أكتر حاجة بتضايقني في الفترة الأخيرة غير إن الناس مبقتش تهتم بالقراءة غير لناس معينين و حاجات معينة هي الآراء اللي بتوضح إن الشخص بيجاملك !
يمكن أنا ماليش حق أتضايق من إن حد يقول رأيه لإن حقه إنه يقوله بالطريقة اللي تعجبه لكن لما أحس إنه بيتكلم كلام عام ميبقاش واضح منه إنه قرا ده بيدمرني نفسيا فعلا لإني باحب يقولي أنت اخترت العنوان ده بالشكل ده أنا شايفه معبر مثلا أو ليه اخترته كده و الجزئية الفلانية أنا شايفك عبرت بيها بشكل مسني يعني يحسسني إنه قرا فعلا
لكن جزئية أسلوبك رائع، محتاج تطور من نفسك، اقرا كتير؛ كل دي بتدل على المجاملة مش أكتر و ده بيخليني أتضايق جدا لإني أكيد باطور نفسي و باقرا كتير و حتة أسلوبك رائع متحسسنيش إنه قرا؛ قولي رائع ليه و لو فعلا عايزني أطور نفسي أطورها في إيه بالضبط ؟! و لو أقرا كتير أقرا في إيه برضه ؟ باقرا و اطور يا عم و الله
آجي أحاول أقوله طيب إيه رأيك لما كتبت الجزئية كذا حسيت بإيه ؟
