أيا كان الوضع حتعطش و حتجوع لإنك بتصوم بس ممكن تعمل حاجات تخليك تستحمل ده و أكترها التهيئة النفسية لإنك لو طول الوقت قعدت تقول لنفسك:
أنا جعان، أنا عطشان، مش قادر استحمل، إيه يا اخويا الحر ده، يا رب مش قادر إمتى المغرب يدن
كل ده طبيعي حيخليك تحس بالعطش و الجوع الصح إنك تتعامل بشكل عادي و تشغل وقتك و تفكيرك في حاجات تانية و اعمل زي ما النبي عليه الصلاة و السلام وصانا بتأخير السحور و تعجيل الفطر و متاكلش على السحور مخللات و لا أكل مملح كتير و اشرب في الفترة ما بين الفطار و السحور ميه و عصاير طبيعية و أعشاب
و فكر دايما إنك بتمنع نفسك عن ده عشان رضا ربنا و ده حيخليك تستحمل أي معاناة
