مش عارف ألاقي شغل ثابت و باشتغل حر و بعد ما باخلص مشروع بادور على المشروع اللي بعده.
مش مستقر نفسيا و بين الوقت و التاني بامرض بسبب ده.
لكن مع كل الظروف و العوامل دي دايما بالاقي أمل بيحطه ربنا جوايا بيخليني أكمل و ما أحسش باليأس، أكيد مصدره ربنا اللي خلاني أحب الإنسانة دي بالذات و اشتغل الشغل ده بالذات و ما أحسش بالاستقرار النفسي، وارد تكون كل الحاجات دي عوامل حتساهم في إن حياتي تكون أفضل بعد كده و وارد إن كل عدم التوفيق ده سببه إن ربنا بيحوش لي كل الحاجات الحلوة في وقت واحد بدل ما تبقى متوزعة على مدار حياتي، يعني الألم و الحرمان كله اللي مكتوب عليا بيخلص في الجزء الأول في حياتي.
عايش بالأمل على ده و هو اللي بيخليني أفضل أسعى، سواء للحب أو للشغل أو للمستقبل الأفضل و مع كل الكفاح ده ما عنديش أقول غير "يا رب".
