نهاية

عارف إن فيه ناس حتفرح لي بسبب الكلام اللي حاقوله ده و خصوصا أحمد محمد

أميرة انتهت تماما بالنسبة لي و حكايتها اتقفلت و على فكرة هي مش شايفة الكلام اللي أنا كاتبه ده و لا حتشوفه إلا إذا دخلت بحساب تاني بقى  ;) يعني مش باكتبه عشان هي تقراه

كان موقف صعب بس لازم كان يحصل لو كان بإيدي كنت مسحت كل حاجة عملتها عنها أو كتبتها أو وجهتها ليها
لكن في النهاية كل اللي حصل خرّج مني إبداع وظفته في حاجة كلكم حبتوها و يمكن دي إحدى المزايا اللي حصلت في الموضوع و يمكن تكون الميزة الوحيدة فيه
على أي حال التجربة كانت صعبة مش سهلة و أتمنى إني أكون اتعلمت منها فعلا و زي ما قال ربنا

"وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللَّهُ يَعْلَمُ وَأَنتُمْ لاَ تَعْلَمُونَ"

اللي باتمناه من ربنا إنه يعوضني بالأحسن و إني ما اندمش على اللي عملته حتى لو كان غلط لإنه في النهاية حصل و مش بإيدي إني أغيره و أتمنى لما أفتكره ما يحسسنيش بالضعف و لا الإهانة