خاتمة السلسلة حاكتبها بكرة إن شاء الله، بس بعيد عنكم شغلي الجديد عبارة عن كتابة و إدخال بدون دخول في تفاصيل كتير باكتب كتب تراث و بعد كده باعرف الموقع اللي حيتحط فيه عن طريق برنامج إن كل كلمة في صفحة الكتاب (اللي هي عبارة عن صورة) كلمة فعلية بتقابلها كلمة كذا بالكتابة
طبعا ما حدش فهم حاجة، صدقوني أحسن لكم ما تفهموش بس خلاصة الموضوع كده يعني، عشان واحد زي سيادتك و سيادتها لما يدوروا على اسم كتاب مرفوع بصيغة pdf الموقع يقدر يعرف من خلال كلمات البحث إنها موجودة في الكتاب ده اللي هو عبارة عن صور مش كتابة، فيطلع عين واحد زي حالاتي كده
أمي لسه باصة على عينيا دلوقت و زعقت لي و قالت لي: قوم يا ابني كفاية كده عينيك محمرين على الآخر، فقلت أكتب لكم ده عشان تحسوا بالمعاناة اللي عايش فيها و أقوم أريح شوية و بعد كده أنام و أقوم أكملادعوا لي ربنا يقدرني
