عندي أخبار ليكم ممكن تكون مفاجأة شوية، أول خبر إن السلسلة كده خلاص انتهت، أنا بس حاعملها خاتمة زي ما عملت لها مقدمة
الخبر التاني إني بعد ما فكرت كويس، لقيت إني أغير اسمها و ده لسببين، السبب الأول إن الاسم ده مش لايق عليها و لا على أحداثها بشكل كبير و تاني سبب، عشان أجهزها للنشر الورقي إن شاء الله و الاسم لو قدمته لدار نشر ممكن يوحي بغير مضمونها
فيه منكم كذا حد أنا حاختاره - و له مطلق الحرية يوافق أو يرفض - يعيد قراءة السلسلة بعد ما أعمل بعض التعديلات البسيطة عليها عشان تكون جاهزة و أقدمها لدار نشر إن شاء الله، التعديلات مش حتكون كتيرة و الناس دول حيقولوا لي إذا كان فيه عيوب أو غلطات في كلام أو حروف ناقصة أو أحداث زيادة أفضل إنها تتشال،...
و طبعا اللي حاختاره ده لازم يكون قرا السلسلة من البداية كويس جدا و حاببها و حابب أحداثها الاسم اللي اختارته جديد للسلسلة هو "أميرة أحلامي" نفس اسم الخاطرة اللي كتبتها للبنت اللي باحبها و هي مش بتحبني و اللي كتبت عشانها و بسببها السلسلة دي
استنوا دلوقت خاتمة للسلسلة مش حتكون قد حلقة طبعا حتكون أقل، زي ما تقولوا كده باشطب الليلة لإن نهاية الحلقة ما تنفعش تكون خاتمة للسلسلة
باشكركم عشان تابعتم السلسلة و عيشتم معايا أحداثها و باشكر كل الناس اللي وافقت تظهر بأسماءها و شخصياتها الحقيقية في السلسلة، لو ربنا أراد ليها إنها تنشر ورقيا و تلاقي نجاح حيكون النجاح ده سببه الأساسي أنتم بدعمكم و تشجيعكم ليا
