المفاجأة اللي وعدتكم بيها، يا رب تكون مفاجأة فعلا و تحبوها،
بعد ما نشرت الحلقة الأخيرة من السلسلة، حصلت أحداث و تطورات، لكني بالفعل كنت سلمتها لدار النشر، الفكرة بعد كده تشكلت أكتر و ما أقدرتش أقاومها، فقلت أكتبها كحاجة منفصلة، لكنها ما كنتش تنفع تبقى تبع أي حاجة غير السلسلة، فاتصلت فعلا بدار النشر و قلت لهم لو ينفع أعدل على النسخة اللي بعتها فوافقوا، كنت خلصت كتابة الحلقة من يومين، و كنت حابعتها لدار النشر بكرة إن شاء الله، لكنهم اتصلوا بيا و أعلنوا رفضهم لطباعة الكتاب نظرا لإنه لا يتوافق مع خطة دار النشر في الفترة القادمة
على أي حال اللي عارفه و يعرفوه ناس كتير إنه صعب جدا دار نشر توافق تنشر لكاتب جديد لسه مش معروف خصوصا لو كانت مش بتكلفه تمن الكتاب، لكن أهم معيار عندي على أي حال إنكم حبيتوا العمل ده و تابعتوه و ده اللي حيخليني اكمل إن شاء الله و أكتب حاجات تانية و أبدأ في الروايتين بقى اللي في دماغي و اللي حيودوني في داهية غالبا
على أي حال، باقدم لكم الحلقة دي، تعتبر هي النهاية الفعلية للسلسلة و يا رب تعجبكم
