بغض النظر عن إذا كانت فيه إثباتات إن الموضوع ده حقيقي و لا لأ حافترض معاك إنه حقيقي و مع رفضي التام للفكر الوهابي المتطرف، بس ليه كل حاجة نلزقها فيه ؟ إيه علاقة الموضوع ده بالفكر الوهابي المتطرف ؟! عشان د. مجدي يعقوب مسيحي يعني ؟ أظن كل الإثباتات أكدت إن كل الناس بتحب الراجل ده و بتحترمه و بتقدره ليه ما تقولش إن أجهزة الدولة هي اللي عاملة الموضوع ده ؟ مش البنك الأهلي ده حاجة تبع الحكومة برضه ؟ و لا الفكر الوهابي بيدير أجهزة البلد و كل مؤساساتها ؟ لو ده حقيقي حيبقى معناه إن الحكومة كده و ده طبعا مش حقيقي أكيد و إلا ما كنتش بقيت أنت نفسك من مؤيديها و مؤيدي رئيسها غالبية الناس لما بيتبرعوا بيتبرعوا لمستشفى مجدي يعقوب و فيه حاجات تانية تبع البلد أظن برضه كل الإثباتات أكدت إن غالبية الناس مش بتتبرع لها، ده السبب لو فعلا اللي مكتوب ده حقيقي و مؤكد بلاش كل حاجة نلزقها في فكر و في جماعة إحنا رافضينها و مش طايقينها زي ما كان بيحصل دايما مع الصاهينة اللي بنلزق فيهم كل مصيبة بتحصل، الفكر الوهابي المتطرف أكيد و قطعا مالوش علاقة بالموضوع ده
