فكرة إن الراجل يعبر عن مشاعره لبنت معجب بيها من أصعب الحاجات فعلا، الراجل على غير المرأة صعيف من الناحية العاطفية و مش بيقدر يتحكم في مشاعره بسهولة (صعب إنه يتقل يعني) بعكس البنت، بيحط في اعتباراته حاجات كتير منها الطريقة المناسبة إنه يفاتحها، إزاي ما يظهرش إنه بيلح عليها أو يحاصرها أو إنه يكون بيضايقها بأسلوبه و طريقته العفوية لو ساب نفسه يتصرف زي ما مشاعره مودياه، هل الوقت دلوقت مناسب و لا المفروض العلاقة تكبر أكتر في الأول، هل لو اتكلم دلوقت ممكن يبوظ الدنيا و لو كان استنى حبة كان ممكن يلاقي تجاوب ؟! طيب الوقت المناسب للكلام و المصارحة المباشرة حيكون إمتى ؟ هل يبدأ بشكل غير مباشر في توصيل مشاعره أحسن ؟
أسئلة كتيرة جدا و إجاباتها صعبة، لكن الراجل حيفضل ماسك نفسه و متحكم فيها لحد إمتى ؟ و هل لما حيفاتحها حيبقى قوي و لا حيبان عليه الضعف و لا كل ما حيحاول يفتح بقه حيخرس عشان لسه الوقت المناسب ما جاش ؟!
