أنا عارف إن مشكلة إلغاء الشبكة في الجواز مش في البنات لو سألت أغلب البنات موافقين على إنهم يلغوا موضوع الشبكة و المظاهر الفارغة المشكلة في الأب و الأم و العائلة هما اللي بيحكموا رأيهم كتير على المواضيع دي لازم شبكة بمبلغ كذا لازم شقة مساحتها كذا لازم يكون بيشتغل في وظيفة محترمة "أغلب الشباب عندهم المشكلة دي دلوقت" لازم حفلة خطوبة و حفلة فرح و النيش اللي بيتملا حاجات أغلبها مش بيستعملوه و لا حيستعملوهالرسول عليه الصلاة و السلام قال فيما معناه "إذا أتاكم من ارتضيتم دينه فزوجوه" و لو فهمنا الحديث صح مش معناه إن واحد بيصلي و يصوم و يعمل الفرائض لإن الدين مفهومه أعمق من كده فمن شروط الزواج إن يكون عنده الباءة أو الاستطاعة أما دلوقتي مع الأسف فمفهوم الاستطاعة بقى أكتر من طاقة أي شاب و ده اللي بيخلي مع الأسف سن الزواج بيتأخر مش عقلياتنا إحنا اللي عايزه تتغير تجاه الموضوع ده عقليات أهالينا و ده مع الأسف صعب جدا
