فيه خبر أفتكر إنه حيسعد بعض الناس اللي موجودين، أنا بدأت فعليا في كتابة أول فصل من فصول الرواية اللي فكرتها عندي بقالها زمن طويل، بعد انتهائي من كتابة الفصل حاعرضه على الأشخاص اللي ساندوني ككاتب و كانت آراءهم بالنسبة لي محمسة و مشجعة و بتدفعني دايما للأمام لو ربنا سبحانه و تعالى أراد، الرواية دي حتبقى الأولى بالنسبة لي، كنت باخاف جدا أبدأ في كتابتها لأسباب كتير، لكني النهارده قدرت أهزم الخوف ده، الجزء اللي كتبته من الفصل الأول أرضاني و أفتكر إنه حيكون بداية متميزة للرواية، بعد ما أكمل الفصل كله حابعت لأسماء معينين عشان يقولوا لي آراءهم فيه، غالبا بعد كتابة الرواية ككل - لو ربنا وفقني و قدرت أستكملها - حاغير بعض التفاصيل و العبارات، لكن أكيد مش حتبقى بشكل كبيرالرواية حاحتفظ بعد إذنكم باسمها لنفسي حاليا، لحد ما ربنا يشاء و ترى النور، هي بتنتمي لنوعية الإثارة و الغموض و الأحداث اللي بتظهر غير مترابطة و غير مفهومة، و أحد أسباب عزوفي عن كتابتها طول السنين اللي فاتت (فكرتها عندي بقالها زيادة عن 8 سنين) إني كنت عايز أقدر أعمل شكل معين يكون غير واضح المعالم متشابك و معقد و في نفس الوقت مشوق و مثيرهي مكتوبة بأكملها حتى حوارتها بالفصحى المبسطة، بإذن الله، حيكون الفصل الأول منها بين إيديكم في خلال أيام قليلة و حانتظر آراءكم المشجعة زي ما اتعودتادعوا لي
