فيه تلاتة عايز أوصل لهم رسايل، واحدة منهم عارف إن الرسالة حتوصل لها، التانية ما افتكرش إنها حتوصل لها بس حاكتبها لعلى و عسى حد يكون عارف الموضوع يوصل لها الكلام ده:-
بالنسبة للأولى: أنتي انتهيتي بالنسبة لي فعلا من زمان لإن شخصيتك اللي بقيتي عليها غير الشخصية اللي لفتت نظري في البداية صحيح إني كتبت عليكي كتاب كامل و بقيتي جزء من نجاح وصلت له و يمكن نجاح قادم كمان، لكن ده كان وهم في دماغي أو أحلام يقظة بدليل إني شفت عكسه بعد كده.
بالنسبة للتانية: الإنسانة اللي تفكر في نفسها بس و في اللي عايزاه و ما تحترمش و لا تقدر مشاعر حد قدرها و احترمها، مستحيل ينفع تكون زوجة أو أم، أنا عمري ما صاحبت و لا لفيت و لا درت و مش بادور على واحدة أتسلى معاها يومين، كنت عملت ده لما كنت شاب صغير مش لما وصلت للسن ده و عشان كده مهما كنت معجب بيكي و عندي ليكي مشاعر مستحيل ده حيستمر - لو كان مستمر يعني - لإني عايز أكون بيت و أسرة و أنتي بشخصيتك لا تصلحي لده أكيد.
الرسالة الأخيرة ليا أنا: اهدى و اتهد و انسى بقى، واضح إن ما فيش حد يستاهل.
