أسماء

Naglaa Elshinawy هبة فاروق Manal Selim Dalia Elsisi Eslam Alkaranshawy Mina Nasif Manal Selim Ahmed Mohamed Abd El-kader Ahmed Saad Samer Saleh Shimaa Mohammed El Sagheer Samer El-Karanshawy Mona El Kayal Omnia Aly Fatma Khalaf ريم أبو الفضل Asmaa Wagih Fatma El Defrawi صالح القرنشاوي ليلى صبرة Basma Alaa Yassine Sobh Ibrahim Siam Nehad Elshrif Kareem Elbdry Sylvana Amin Amr Ahmed Naiem Marco Prud'homme Gdo Maher Amr Saleh

الأسماء اللي مكتوبة فوق دول (كاتبهم بترتيب ظهورهم عندي في قائمة الأصدقاء) أنا مدين ليهم بالشكر، لإنهم وافقوا بكل ترحاب على تدعيم كاتب لسه مش معروف و ما رفضوش إن أسماءهم و شخصياتهم تنزل في السلسلة الجديدة اللي بدأت فعلا الإعداد ليها من مدة (ملحوظة منهم أسماء كانوا وافقوا على ظهورهم في السسلسلة الأولى).
السلسلة الجديدة معتمدة في أحداثها على سلسلة "أميرة أحلامي" لكن موضوعها مختلف بس تعتبر مماثلة ليها من ناحية إني مش كاتب العمل و بانشره ليكم على أجزاء، كل حلقة بتخلص بانشرها على الفور يمكن الطريقة دي فيها صعوبة لإني مش باقدر أغير حاجة كتبتها خلاص و باجبر نفسي على عمل تسلسل للأحداث، ده ربنا وفقني و نجحت فيه قبل كده و متظر إنه يتمم نجاحه و توفيقه ليا في العمل ده كمان.
الإحساس اللي كنت باحسه لما باكتب "أميرة أحلامي" من ترقب الناس للحلقات و سؤالهم عنها و مناقشاتهم و غضبهم من تصرفاتي و تصرفات الأخت "ربنا يسامحها" و إبداء النصايح و الشتايم في بعض الأحيان 😂 كانت مشاعر ممتعة افتقدتها و أرجو إني أعيشها معاكم مرة تانية.
مش عارف ردود أفعالكم حتبقى إيه على السلسلة الجديدة، ربنا يقدرني و يطلع العمل بشكل يتناسب مع شرف وجود أسماءكم فيها
السيدة نجلاء الشناوي باخصها بالشكر لإنها اللي أقنعتني بكتابة السلسلة دي و هي أحد الأسباب الرئيسية في إن العمل ده حيخرج للنور غير دعمها ليا في كتير من الأمور ربنا يجزيها خير و يحفظها لزوجها و أبناءها، من أفضل و أحسن الناس اللي قابلتهم في حياتي.
السلسلة الجديدة اسمها
"المهدي"
و ما حدش يسألني ليه مسميها كده لإنكم المفروض تكتشفوا ده مع الأحداث
ربنا يقدرني و أكون قد المسؤولية دي، الحلقة الأولى من السلسلة خلصت كتابتها و فاضل عليها المراجعات الأخيرة بس، حانشرها بكرة إن شاء الله على مدونتي الشخصية و حاحط رابط الحلقة هنا زي ما كنت باعمل مع سلسلة "أميرة أحلامي".
في النهاية أحب أقول إن حياة أي شخص بتستحق إنها يتم الحكي عنها اللي بيفرق بس الطريقة اللي بتتم بيها الحكي و أنتم كلكم ناس اتأثرت بيهم و فادوني و ليهم عليا أفضال زادت بموافقتكم على إني أتكلم عنكم و أجيب في سيرتكم