فيه حاجة بتحصل مضايقاني جدا اترددت أكتبها لإنها حساسة بعض الشيء لكن حاكتبها لكم و أشوف لو فيه منكم يحب يعلق أو يرد عليها أنا باكتب طبعا عشان نفسي أولا و لإن ده أمر بيجلب لي المتعة و السعادة لكن برضه إن الكتابات دي موجهة لقراء و بيهتموا إنهم يقروها فالتقدير بيكون شيء مهم جدا بالنسبة للكاتب أكتر من معرفته إن ناس بيقروا و بيتابعوا معظمكم مع الأسف كإنهم بيستخسروا يدوني أي تقدير مافيش إشارة إعجاب - like يعني - و لا تعليق و لا أي رد فعل، كنت ممكن أقول إن الناس اللي مش بيعملوا كده مش عاجباهم الكتابات بتاعتي و لا أسلوبي، لكن فكرة إنهم متابعين على طول و بيقروا على طول، هل تعمدهم عدم إبداء أي شيء معناه إيه ؟ هل مثلا مش حابين يوصلوا رسالة إني شخص أجدت و جدير بإنهم يتابعوني و يقروا لي ؟ هل فاكرين إن تعبيرهم عن ده شيء مش حيبقى مهم بالنسبة لي ؟ أنا باشوف ساعات ناس بيبقوا عاملين مشاركة لصورة أو منشور لحاجة معينة أو حاطين كلام عادي و عشرات الإعجبات و التعليقات، لما أنا أقعد أكتب حلقة كاملة بتاخد مني كتنفيذ أسبوع أو أكتر و مجهود و فكر و مراجعات كتير و حضرتك تستخسر تعبر عن إعجابك بيها أو حتى تقول نقد فتخيل شعوري أنا إيه ساعتها ؟! قبل ما أنشر السلسلة عملت إشارة لناس كتير باوجه لهم الشكر و التقدير مع الأسف كتير منهم برضه ما اهتمش يعمل أي رد أو تعبير و ده شيء برضه ضايقني جدا الناس دول اللي هما حضراتكم أنا باتعامل مع كتير منهم و باشوفهم و باعمل اللي بوسعي عشان أفصل بين الأمور و يكون تعاملي معاهم طبيعي و لإني مش من حقي أطلب تقدير من حد لإن التقدير ما بيتمش طلبه إلا إن تعبيري عن ضيقي و حزني من الموضوع ده شفته أمر واجب على الأقل عشان أبقى خرجت اللي جوايا الكاتب لما بيقدم لك حاجة من نتاج فكرة ده في حد ذاته تقدير ليك و لما يتكلم عنك ده في حد ذاته تقدير ليك لما أنت ما تردش التقدير ده بأي رد فعل، ده شيء جارح و يضايق جدا و لو حضرتك مش عارف كده فحاول تشوف لو أنت نفسك عملت شيء و كنت منتظر منه ردود أفعال اللي حواليك و ما لقيتش ده حتحس بإيه ساعتها ؟ لو الكلام ده ضايق ناس كتير منكم فحاولوا تتخيلوا شعوري أنا عامل إزاي و لو حد شايف حاجة تانية يقدر يقول لي
