أرزاق

أكيد فكرة إني أحصل على وظيفة اتقدم ليها أكتر من شخص و صاحب العمل اختارني بالذات من ضمن اللي اتقدموا بتخليني أحس بالأمل و الفرح و الفخر و التميز بنفسي، لكن التوتر و القلق و الاضطراب إني ما أكونش قد المسؤولية دي أو أفشل بيطاردني خصوصا نوعيات الوظايف اللي بتبقى من غير واسطة و بتعتمد على الشخص نفسه عشان يقدر يحافظ عليها بتخليني قلقان على نفسي و مستقبلي من إني مش عارف حاعمل إيه لو حصل شيء
بس يمكن بافتكر دايما إن ربنا هو اللي بيقسم الأرزاق و إنه ما دام وفقني لكده فعنده حكمة و لو لا قدر الله أراد شيء تاني أكيد حتكون له حكمة برضه فأنا ما فيش قدامي غير إني أعمل كل اللي عليا و اسيب الباقي عليه سبحانه و تعالى و ادعوه إنه يقدرني على اللي أنا فيه حاليا و على أي شيء تاني حيحصل في الفترة اللي جاية و إني أفتكر الآية القرآنية:
"و ما توفيقي إلا بالله عليه توكلت و إليه أُنيب".
#ادعوا_لي