قبل ما أنشر الحلقة بكرة إن شاء الله فيه حاجات لازم أقولها
أولها شكر باوجهه للسيدة الفاضلة داليا ، يمكن عدد المرات اللي قابلتها فيها في حياتي لا تتجاوز العشرين مرة، و مع كده هي ما رفضتش إني أكتب عنها باسمها و شخصيتها الحقيقيتين، و وافقتني على الفكرة اللي حتعرفوها لما تقروا الحلقة إن شاء الله و إن كنت إديتها عنها لمحة بسيطة فقط، و هي ما طلبتش إنها تعرفها تفصيليا و فضلت تستمتع بالمفاجأة عند القراءة
ثانيها شكر لأخويا و ابن عمي السيد أحمد سعد لإنه ما طلبش يعرف أو يراجع إيه اللي أنا حاقوله عنه و ساب لي الحرية كاملة، ربنا يقدرني و أكون عند حسن ظنه
ثالثها شكر لكل الناس اللي مذكورين في الحلقة و اللي ظهروا قبل كده في الحلقات اللي فاتت، أنا متقلها صحيح في الحلقة دي 😄 و منتظر ردود أفعالكم
رابعها ما أقدرش أجزم بآراءكم إيه بعد ما تقروا الحلقة، لكني عشت معاها لمدة شهر تقريبا بين فكرة و كتابة و تعديل و مراجعة و أنا فاضل لي مراجعتين كمان و أقدر أقول إني راضي عنها تماما و عن تقديمها ليكم
