لما أبقى تعبان و مخنوق و حالتي النفسية في أسوأ حالتها، بدل ما يجيلي السند من أقارب أو أصدقاء أو معارف، ألاقي شخص عمري ما قابلته بيدعي لي و يهوّن عليا
أفتكر هنا حكمة ربنا بتعرّفني إن ممكن الفرج يجي لي من طريق أنا كإنسان لا أحتسبه،
ممكن يكون صبري و مقدرتي على تحمل حاجات كتير راحت و انتهت، لكن الإيمان عمره ما بيروح،
ما دمت عايش و ربنا لسه مادد في عمري، ممكن أيأس و أُحبط و اتضايق و أغضب و أثور و ألعن، بس مش ممكن أقف؛ لإني حتى لو باغرق ففيه جوايا لسه روح عايشة و ما ماتتش، ممكن ييجي لها في النهاية طوق نجاة أو حبل تتعلق بيه
