حاجة حتقروها بأسلوب أفضل في "المهدي" فيما بعد، بس فضلت إني أكتبها لكم زي ما أنا حاسسها دلوقت
معلمتي الدكتور منال عابت عليا إني باستخدم الموقع المنيل بستين نيلة ده في بث الهموم و الآلام اللي باشعر بيها، ردي عليها بإني مش باكتب أي كلام عشان الناس تقراه، أنا باكتبه لنفسي و باعتبره بالنسبة لي زي الورقة و القلميمكن غلط أنا باعمله إني كمان بانشر طاقة سلبية على الناس، لكني باحاول برضه أنشر طاقة إيجابية؛ فخدوا الإيجابية و فككم من السلبية 😂الفترة الأخيرة دي من حياتي كانت صعبة جدا، كان فيه كذا شيء باسعى له بقالي مدة و منتظره و ما جاش و إهانات اتعرضت ليها و فشل في أكتر من شيء و كلها كانت جاية مع بعض فما اقدرتش أتحمل كل ده، يمكن أكتر حاجة كنت باحاول أعملها لما أخرج للناس إني أكون طبيعي و ابتسم و أهزر على قد ما أقدر، فشلي في كده في بعض الأحيان كان بيضايقني أكتر من ألمي نفسهلحظة كتابتي للسطور دي بقيت في حالة أفضل من اللي كنت عليها في أول اليوم و أخره، لكني مازلت فاقد القدرة على التفكير في إيه اللي حاعمله بعد كده ؟ يمكن بكرة الوضع يتغير، أتمنى دهلو حد قرا أو شاف أي شيء مني ضايقه و خنقه باعتذر له، يمكن أنتوا عندكم أكتر من حاجة بتنفثوا فيها ضيقكم و همومكم، لكن أنا ما عنديش، حاولوا تعتبروها من باب اللي يشوف بلوة غيره تهون عليه بلوته، أو حاجة تحمدوا بيها ربنا على إن حالكم أفضل من حاليربنا يغفر لي و يساعدني الحمد لله على كل شيء
