حاجة بس أحب أقولها للناس اللي بيزعلوا من كلمة الدولة المدنية، ما فيش حاجة في الإسلام اسمها الدولة الدينية، بل الأكتر من كده الدولة الدينية في الإسلام حرام الدولة الدينية معناها هي إنه لا يجوز الخروج على الحاكم و لا انتقاده و لا توجيه اللوم ليه أو مشاركته في الحكم، و ده ببساطة لإن أي حد حيعمل شيء من دول حيبقى خارج عن الدين و ده بيتنافى مع الإسلام و اللي قالوه الحكام المسلمين الأوائل، منهم النبي عليه الصلاة و السلام نفسه اللي كان بيسمح للناس يشاركوه في الآراء و كان بياخد بيها و ينفذها و منها سيدنا أبو بكر الصديق في خطبته الشهيرة لما تولى الحكم و طلب من الناس إنهم يقوموه المسميات مش مهمة و لا حتفرق مع أي شخص بيتبع دين أو نهج معين في حياته، مش حاستفيد أنا أي حاجة لما يتقال على دولتي إنها إسلامية و الناس اللي عايشين فيها مش واخدين حقوقهم و منهم اللي بيموت من جوع و منهم اللي قاعد من غير شغل و منهم اللي بيتقتل و يموت ارحمونا شوية و متاخدوش من الدين الظواهر بس اللي بتخليكم تفرحوا، حسابنا عند ربنا فما تكرهوناش في عيشتنا لحد ما نروح له
