لما بدأت أدور على مكان أو حد أتعلم من خلاله أطبخ، فيه ناس اتريقوا، أكترهم السيدات و البنات و كمان المناصرات لحقوق المرأة و مساواتها بالرجل 😃 أنا بتقابلني المشكلة حاليا بشكل صغير، لكن مستقبلا حاعاني منها أكتر و مش حينفع آكل من بره طول الوقت أو أستخدم حد مهما كانت صلتي و علاقتي بيه كطباخ عندي أو أتجوز واحدة عشان مجرد تبقى عندي خدامة تنضف و تطبخ
أنا بابتدي اتعلم أقوم بشؤون نفسي كاملة دلوقت، و ده أمر بيخليني سعيد و حاسس بقيمة نفسي على عكس ما كتير ممكن يكونوا متوقعين، بعض الحاجات نجحت فيها فعلا لكن أهمها إني أعرف أأكل نفسي بدون الاعتماد على حد و لا زم أكون عامل حساب الشيء قبل ما يحصل و أتحط ساعتها في مشكلة ممكن تستنزف فلوسي أو تخليني أتحوج لحد أو أعمل حاجات مخالفة لمبادئي أو تهين من كرامتي
