المذيعة سناء منصور كانت مستضيفة عبد الحليم في برنامج ليها و سألته من أثقل دم في السنيما المصرية فهو رد و قال صلاح نظمي
بعدها صلاح نظمي رفع قضية على عبد الحليم و لما راحوا المحكمة كان الدفاع إن الرد اللي قاله مدح في صورة ذم لإن عبد الحليم كان يقصد نوعية الأدوار اللي بيلعبها صلاح نظمي و هو من كتر إجادته فبيقنع المشاهد إنه ثقيل الظل فعلا و القضية اترفضت فصلاح نظمي و هو خارج بص لعبد الحليم و سناء و قال لهم حسبي الله و نعم الوكيل فيكم، فعبد الحليم راح ناحية صلاح و قعد يتكلم معاه و هو كان رافض في الأول لحد ما انتهت المحادثة بإنه سلم عليه و رجع لسناء و قال لها خلاص الموضوع انتهى و أنا عرضت عليه دور في فيلمي الجديد (اللي هو أبي فوق الشجرة) و وافق عليه
