كُتاب بيقروا لكُتاب الكتابات بتاعتهم
بتفكرني باللي قاله عادل إمام في مسرحية "الواد سيد الشغال"
"ناس عندهم لحمة بيعزموا ناس عندهم لحمة عشان ياكلوا لحمة"
عارف إن رأيي ده بيزعل ناس كتير، و إني باعيده كتير الأيام دي، بس اللقاءات دي و الماقشات ما لهاش قيمة ما داموا الناس العاديين مش بيسمعوكم و لا بيقروا لكم، اهتموا بالقراء مش بالكُتاب و لا النقاد
الأكثر أهمية للقارئ - و خاصة قارئ الأيام دي - هو إنه يستمتع و ينجذب لما يقرا، مش ياخد قيمة أو عبرة، و الجمع بين الشيئين، إمتاع القارئ و إعطاء قيمة، المفترض إنه مش صعب لو حضرتك كاتب شاطر، فما تستغربش من واحد ناجح بيقدم عمل فيه متعة أو جاذبية أيا كان اختلافك عليها، و إن عملك اللي بتصمم إنه يكون فيه قيمة و عبرة مش واخد نفس القدر
#القارئ_هو_الأهم
