في مناقشة مع السيدة داليا هي قالت لي إن الحلقة مش ما عجبتهاش، هي كانت بتتكلم على غموض العمل ككل و إنها مش عارفة هل إني باحكي مجرد مواقف و لا فيه غرض تاني، يمكن كلامها ده فكرني بالمشكلة الوحيدة اللي باواجهها مع "المهدي" و واجهتها قبل كده مع "أميرة أحلامي"؛
لإنكم بتقروا الحلقات بشكل منفصل فالرابط أو العلاقة بتضيع لإنكم مش بتفتكروا الأحداث اللي فاتت،
فيه رابط بين كل الحلقات و قفلة كل حلقة بابدأ بيها الحلقة اللي بعدها بالإضافة لبعض الأحداث اللي باحطها في كل حلقة و باكمل عليها بعدين لإنها رواية متكاملة يعني مش مجموعة من القصص القصيرة أو المواقف اللي ما فيش بينها علاقة، كمان هي مرتبطة بأحداث "أميرة أحلامي" و اللي حصل فيها.
الهدف من الرواية مش معروف حاليا و ده طبيعي؛ لإنه في فيلم أو مسلسل على سبيل المثال، فيه غموض، الغموض ده مش بيتفك في الحلقات الأولى ؟ أو في أوله، في الآخر حتقدر تكتشف إيه اللي بيحصل و إيه الهدف من ده ؟
الناس اللي قروا، حاولوا تعيدوا قراية الحلقات ورا بعضها مرة تانية حتقدروا تكتشفوا الصلة و الرابط و انتظروا لحد النهاية - لو ربنا مد في عمري - حتفهموا إن شاء الله إيه اللي بيحصل
الفكرة جديدة و إني قادر أعمل عمل بالشكل ده بناء على أحداث و شخصيات حقيقية و إني بانشر كل حلقة بعد ما باكتبها على طول، مخاطرة لكني في نفس الوقت مستمتع بيها و بتأثيرها عليكم، حتى الناس اللي مش بيتكلموا و باشوف ده في نظراتهم لما بيقابلوني 😂😂
