في لقاءات الكُتاب و قراءة الأعمال الأدبية، كُتاب بيروحوا يقروا لكُتاب و نقاد، ككاتب غير معروف اسمي أحمد، مش حاسس بفايدة ترجو من الموضوع ده،
عشان كده أكتر حاجة بتهمني القراء العاديين اللي هما حضراتكم و اللي مع الأسف برضه مش بالاقي تفاعلات تُذكر منهم بسبب إني غير مشهور الموضوع أصعب مما يبدو، مش حاقول إنه محتاج صبر و لا مثابرة و لا محاولة، هو مش محتاج أكتر من إني أستمر في طريقي و أعمل اللي أحبه و أسيب الباقي على ربنا إن شاء الله حابدأ أكتب الحقة الثامنة "شيئا من عينيها" من "المهدي" النهارده، أنا قاعد أكتب دلوقت في مقالات الموقع اللي هو شغلي، قلت قبل كده إني ما كنتش أتمنى إن الكتابة تبقى شغل، كنت أتمنى أعملها كموهبة بس، لكن ده اللي أتيح قدامي مع الأسف، ربنا يقدرني و أفضل محافظ على الكتابة كموهبة و على أكل عيشي برضه، حتى يأذن الله أمرا كان مفعولا.
