المسلسل ده كندي، بيتكلم عن الجالية المسلمة في كندا، اللي أخدوا جزء من الكنيسة و عملوها مسجد، و بصفتهم أقلية و الاضطهادات اللي بيواجهوها في تعاملاتهم مع الناس و الأفكار الخاطئة عنهم،
بيناقش كل ده بأسلوب فكاهي اجتماعي، و المسلسل من أكثر مسلسلات كندا نجاحا و اتعمل منه ست مواسم، هو ممنوع من العرض في الدول الإسلامية و العربية؛ لإنه صراحة مش حيعجب المسلمين و المسيحيين بس حيضايق المسلمين أكتر لإنه حيكشف ليهم نفاق هما بيعيشوه؛ لإنهم لو اتفرجوا على المسلسل ده و اتضايقوا من اللي بيحصل في أبطال العمل، لو فكروا شوية حيلاقوه نفس اللي بيعملوه هما مع المسيحيين هنا السؤال هنا؛ لو قارننا النسبة بيننا و بينهم في عدد المسيحيين، حيكونوا أكتر من عدد المسلمين اللي في كندا، بالإضافة إنهم أهل البلد مش زي المسلمين هناك معظمهم مهاجرين، فهل دولتنا تقدر تعمل فكرة مسلسل بنفس الطريقة تتكلم فيه عن الاضطهادات اللي بيعانوا منها المسيحيين و طريقة تعامل المسلمين معاهم ؟ ما افتكرش طبعا لإنهم كانوا حيعرضوا المسلسل بادعوكم تتفرجوا عليه من أحسن الأعمال اللي شفتها في حياتي و اللي عايزه هو عندي كامل و بجودة عالية و مترجم ترجمة ممتازة
