أختي العزيزة بسمة قريت على صفحتها من شوية منشور شاركته، بيتكلم فيه اللي كاتبه عن معنى الناس اللي مش قادرة تقدر الضغوط و الظروف اللي أنت بتواجهها، و بتشوف إنها تافهة و إنها ما تستحقش منك كل التعب و لا الألم اللي أنت بتحسه، و ده خلاني أفكر في جزئية تانية، جزئية الناس اللي دايما بيفكروا فيك و في تفكيرك و في اختياراتك على أساس تفكيرهم و اختياراتهم هما، و بيتفهوا من حجم الألم اللي أنت عايش فيه و بتحسه، و كمان بيبقوا عايزينك تختار و تفكر زيهم لإن ده هو الصحالصح أمر نسبي مش مطلق، و كل إنسان بالنسبة له ممكن شيء يؤلمه و يضايقه و يكدر عليه عيشته، يكون بالنسبة لإنسان تاني أمر تافه لا يستحق، مش كلنا زي بعض؛ فيه ناس بالنسبة لها الوجع و الألم بيبقى من حاجة معينة ممكن لا تشكل شيء بالنسبة لشخص آخر، بالإضافة للتراكمات - زي ما أشرت قبل كده في حلقة دخلة الجعفري - اللي بتكون أشياء صغيرة و بسيطة بتفضل تتجمع لحد ما توصل بالشخص إنه مش بيبقى قادر يتحمل شيء تاني، و بيبقى محتاج يبعد عن أي حاجة بتسبب له ألم أو معاناة أو ضيق؛ لإنه خلاص بيبقى فاض بيه و مش قادر يتحمل أكتر من كده باتمنى إن أي إنسان بدل ما يحاول يبرر تفاهة اللي بيحس بيه الشخص الآخر، إنه يفكر فيه بمنظور الشخص ده، و يعرف إنه مش معنى إنه موجوع و متألم و ما بقاش قادر يتحمل شيء قليل و تافه إضافي، إنه بيدعي او بيختلق - أو بالبلدي بيتلكك -، يا ريت نحس ببعض بتفكير بعض، مش نحس ببعض بتفكير كل واحد فينا، و ما نقللش أبدا من أي ألم أو معاناة بيشعر بيها أي شخص مهما بدت لينا تافهة و ما تستحقش
