كنت من شوية واقف في البلكونة، لقيت واحدة كانت بتنشر في العمارة اللي جنبي، شفت راسها من ورا، صحيح كانت مش باينة ملامحها قوي بس اللي شفته كان مغري بصراحة 😅😅 أنا عمري ما عيشت موضوع ابن الجيران و بنت الجيران ده؛ في سكننا القديم اللي كان في العامرية، معظم الناس متربيين سوا و كنا بنلعب مع بعض على طول؛ فإحساس إني أشوف بنت جيران و تعجبني و أصفر لها و أبعت لها قبلات في الهواء و أحاول أشوفها، ما كانش بيحصل؛ لإننا كنا بنخبط على بيوت بعض عادي و بنروح نلعب سوا، بالإضافة إني ما كنتش مهتم بالحاجت دي خالص ساعتها طبعا ما عملتش حاجة و دخلت جوا عشان تنشر براحتها و ما تتحرجش، مع إني كان نفسي أشوف وشها من قدام كمان. 😊☺️ اللي عايز أسألكم عنه، برجاء اختيار رقم الإجابة مما بين القوسين: - (1) كنت اعمل أي صوت عشان تبص ناحيتك و افتح كلام. (2) كنت صفّر و لما تبص لك، ابعت لها قبلات في الهواء و اكتب نمرتك في ورقة و شاور لها بيها. (3) احترم سنك يا شايب يا عايب و اقفل البلكونة و ادخل اترزع جوه بيتك.
