لما بييجي عيد ميلادي بالاقي معظم الناس بتكتب كلام مجاملة مش بيعبر عن أحاسيس حقيقية، جايز يكون عندهم أحاسيس حقيقية تجاهي، لكنهم بيبخلوا بمشاعرهم أو جايز يكونوا مكسوفين يظهروها مثلا ؟! مش عارف !
صحيح لسه فاضل أقل من شهرين على عيد ميلادي، لكن مش عارف إيه اللي جاب الفكر ده في دماغي و خلاني أكتبه، أتمنى إني ألاقي ساعتها تعبير صادق يفرحني مش مجرد كلمات مجاملة أو معايدة من باب الذوق بس، جايز يكون عيد ميلادي السنة دي مختلف و جايز يعدي عليا زي الكام سنة اللي فاتوا دول، بقالي مدة مش باحس بأي مناسبة و لا عيد زي ما كنت باحس زمان، مش عارف المرة دي هل حاحس إن سنة قلت من عمري و لا سنة زادت
