بطل الحركات دي

فيه حاجة بتضايقني في كتير من الناس، حد يكون بيحب مطرب أو ممثل معين، يكتب منشور على سبيل المثال بينم عن حبه للفنان ده، ألاقي ناس مش بتحبه، تقوم قاعدة معلقة و شاتماه هو و اللي كاتب، أو يدخل مثلا على صفحة خاصة بيه أو فيلم على YouTube و يقعد يشتم و يقلل من شأنه، طيب أنت كارهه و متضايق جدا و مش قابله، إيه اللي يخليك تييجي في الأماكن اللي تخصه، ببساطة ابعد عنها و تجاهلها، لو فكرت في نفسك حتلاقيك برضه بتحب حد، و فيه ناس كتير مش بيحبوه، أفتكر إنك حتضايق لو كتبت شيء بينم عن حبك للفنان ده، و حد تاني قعد يقلل منه و يهينه زي ما أنت بتعمل
و لو فيه ممثل أو مطرب مش بتحبه، إيه اللي يدخلك على صفحته أصلا و تسمع أو تشوف له أغنية أو فيلم و أنت واخد موقف منه مش حتغيره ؟! ريح نفسك و ريح الناس و بطل الحركات دي