واحد من مراكز التسوق الشهيرة، كان بيعاني الموظفين فيه من إن العملاء كانوا بياخدوا عربات التسوق و مش بيرجعوها لمكانها، و كان العامل المسؤول عن العربات دي بيطلب من كل شخص بطريقة مهذبة و لطيفة إنه يرجع العربية بعد ما ينتهي من الشراء و دفع الحساب، لكنه ما كانش بيعمل كده و بيسبيها في أي مكان، و طبعا ده كان بيسبب مشاكل كتير و مجهود إضافي على العاملين.
في يوم عادي، العملاء لما أخدوا العربيات، كان العامل بيطلب من كل شخص إنه يدفع "جنيه واحد"، و يقدر يسترده لما يرجَّع العربية مكانها ؟! هنا حصلت المفاجأة ! العملاء فعلا - اللي كل واحد فيهم بيدفع مئات أو آلاف الجنيهات في الشراء -، كان بيرجع العربية مكانها عشان ياخد الجنيه اللي هو دفعه !
مركز التسوق قدر بخدعة نفسية بسيطة إنه يجبر عملاءه على الالتزام ؟!
مين فهم اللي أنا عايز أقوله من كلامي ؟! 🤔🤔