أغنية لمحرم فؤاد، كنت باسمعها كده:
لو كان الأمر أمري لو كان فيه شيء بيدي كنت أقدر اشتريلك جزيرة و يا "أختي فضي" 😒😒
كنت باقعد أسأل نفسي طول الوقت؛ هو ليه بينادي حبيبته يا أختي، و بعدين تفضي إيه بالضبط ؟ و تفضيه فين ؟ لحد ما عمري اقترب من الثلاثينات و اكتشف إنها "و يخت فضي" يعني يخت لونه فضي ! 🥴🥴
كل واحد يقولي على أغنية كان بيسمع كلام فيها غلط و هو صغير و بعد ما كبر اكتشف الحقيقة 🥲🥲
ملحوظة بلاش "سعد نبيهة" عشان دي كلنا كنا بنسمعها كده، أنا شاكك في إنها "سعدنا بيها" أساسا 🤣🤣
#أغاني_وعجباني #أغاني_زمان