أكتر فصل باحبه هو الخريف لإنه لا حر و لا سقعة و بتلبس فيه الهدوم اللي تحبها، ما فيش فيه رياح و لا أتربة...
الشتاء باكرهه لإنه مرتبط بالمدرسة و كنت باكرهها طبعا، بالإضافة إن عندي حساسية فلازم بامرض فيه، و الشوارع اللي بتبقى طينة كلها و مياه و ساعات مش بنعرف ننزل لسوء الأحوال الجوية...
إحنا بنمرض في الشتا لإننا مش بنعرق و مش بنعمل مجهود بسبب القعدة في البيت، بخلاف الرياضيين طبعا اللي الحمد لله أنا منهم و باعمل مجهود في الشتا زي الفصول التانية.
مش باحب الحر الشديد خالص و باكرهه، لكن لولا الصيف جسمك ما كانش حيبقى صحيح و السموم حتفضل متركزة فيه، و صحة جلدك تتدمر أكتر ما هي متدمرة؛ فلو حافضل فصل عن فصل حيبقى الصيف طبعا؛ ما فيهوش مدرسة، مش بنتحبس في البيت، الشوارع مش مطينة و مش مليانة مياه، بنعمل مجهود و بنخرج السموم اللي في أجسامنا و غيرها...