حاقولك على رأيي و ده رأي كتير من المتخصصين زي د. علاء قوقة؛
الإنسان ممثل بالفطرة لإن كلنا بلا استثناء بنستخدم تقنيات التمثيل في حياتنا اليومية؛ كلامك مع حد من أفراد أسرتك ده تمثيل، تعاملك مع الناس في الشارع و في الشغل ده تمثيل، حتى كمان إنك بتستخدمي فن الارتجال لإن المحادثات غالبا بينك و بين الآخرين مش بيبقى معد ليها مسبقا و مع كده بتتكلمي و بتتناقشي و بتلاقي كلام حسب سياق الحديث.
الفرق بقى بين الممثل و الإنسان العادي؛ إن الممثل بيعرف يوظف الفطرة دي لما بيحتاجها؛ فلو لقيتي عندك المهاردة دي تبقي ممثلة، و لو مش عندك فأنتي محتاجة تتدربي عليها ليس أكثر...
و ده طبعا لا ينفي إن فيه ممثلين أفضل من آخرين لإنهم بيقدروا يوظفوا الفطرة دي بشكل أفضل من غيرهم، أما حب الجمهور فده أمر نسبي لإن ما فيش حد اجتمع عليه الجميع...
