من منشور على صفحة من الصفحات؛ جاء هذا الاستفسار:
جماعة هي اسمها بردو ولا برضو ولا برضه ولا برده ولا بردك عشان الحوار ده شاغل دماغي.
و هذا كان ردي:
مبدئيا كده مستحيل تكون برده أو بردو أو بردك لإن الكلمات دي عكس حره ، حرو ، حرك
ثانيا هي برضه و أنا اتأكدت من المعلومة لإنها مذكورة في المعاجم العربية؛ أصلها بَرَض بمعنى قل و يُقال بَرَض الماء أي قل الماء، أو نفد - انتهى - الشيء لكثرة عطائه، و ده نفس الغرض اللي إحنا بنستخدم له الكلمة العامية "برضه"، لما بنقول لحد كلمة برضه على حاجة بمعنى إنه عطانا مثيلها قبل كده أو كفاية ما فاضلش منها كتير، و هكذا، و دي صفحة من المعجم الوسيط اللي فيها معاني كلمة "بَرَضَ"...
