المشكلة في معظم الكتاب حاليا إن أفكارهم محدودة مش بتخرج من نطاقات محددة و ده اللي بيخلي التكرار أمر بديهي؛ إحنا فعلا وصلنا لمرحلة إن كافة الأفكار اتناقشت و اتعملت كذا مرة، لكن اللعبة الحقيقية هنا بتكون في أسلوب المعالجة و الطرح، و عشان كده اللي بيقدر يعمل أسلوب معالجة و طرح فكرة بشكل مختلف هو اللي بيقدر يحافظ على أصالة أفكاره، لكن مع الأسف الغالبية العظمى مش بيحبوا يخاطروا لإن أعمالهم حتبقى صعبة التنفيذ.
الترقيب في الرقابة على المصنفات الفنية و التوثيق في حقوق الملكية الفكرية أصبح أمر لابد منه، لكن مش بيبقى بمجرد توثيق الفكرة العامة أو الخط الرئيسي للأحداث أو للقصة لإن كل دي حاجات سهل إن يتعلب فيها و تتغير بحيث إنها تعدي رقابيا.
بالنسبة لي لما رقبت فيلمي القصير؛ كنت كاتب عنوان و عنوان فرعي و أسماء الشخصيات الرئيسية ثلاثية و المعالجة - القصة بدون سيناريو و حوار - و السيناريو و الحوار بشكل تفصيلي، أعتقد حيبقى صعب بالشكل ده إنها تتسرق أو حد يقتبس منها لإني رقبت كل حاجة؛ الخط الرئيسي للأحداث و القصة و الملخص و الشخصيات و السيناريو و الحوار 🤣🤣
دعواتكم إن ربنا يوفقني و أنفذه سريعا و يطلع بالشكل اللي باتمناه 🥰🥰