بيان حضراتكم بمنتهى البساطة بتقولوا فيه بشكل مباشر؛ إن إحنا على رأينا من إن الفيلم لا يستحق العرض على شاشاتنا لأسباب غير معلنة، لكننا بنعرضه بشكل إنساني بحت حفاظا على حياة صانعه.
 |
| غلاف فيلم اختيار مريم |
أنا - أحمد - لو مكان صانع الفيلم لا أقبل هذا على نفسي لإن فيه إهانة أكتر ليا و لشغلي...
من فترة تعرضت لموقف كنت تطوعت في مشروع خدمي و عملت شغل بدون مقابل صعب و مكلف، و في النهاية نسبوا الفضل و المديح لشخص واحد فقط، مع عدم ذكر المتطوعين الآخرين؛ انسحبت من المشروع و عملت تسجيل و اللي فيه لم أطالب بإن المسؤولين عن المشروع يذكروني لأني أستحق؛ كان حيبقى إهانة ليا أكتر لو عملوا ده...
أنا مش في مكان زاوية و لا مكان المخرج عشان ألم بكافة الجوانب و جايز تكون فيه حقائق غائبة عني، لكن ما أرجوه إن لو الفيلم اتعرض، الناس يحاولوا يفصلوا ما بين اللي حصل و بين حكمهم على الفيلم، و إن المخرج لا يقول لو الفيلم نقده كان سلبي من الجميع إن ده من ضمن الحرب عليه...
التسجيل، لو حد لم يشاهده...