دعمي للفنان أحمد السقا مش بسبب إنه نجم و ليه جماهيرية و شعبية و غير في صناعة السينما المصرية و له تاريخ فني طويل، الدعم هنا جاي من الأسلوب و الطريقة اللي اتعرض لها.
أحمد السقا من أول ظهوره و هو بيتقبل الانتقادات و الضحك و الهزار، و كان بيتواصل مع ناس فعلا عملوا ده معاه، لكن اللي حصل ما فيش حد عنده تربية و لا أخلاق يقبل بيه؛ سواء اللي حصل على صفحته العامة أو على المشاركات و كم الإهانات و الشتائم و الألفاظ، لمجرد إنه عمل تسجيل عفوي كان مش محضر له، بيتكلم فيه عن حاجة حابب إنه يوصلها و دعم لشخص حابب إنه يقدم له الدعم اللي يقدر عليه.
أنا ما ليش خالص في الكورة و لا باتابعها و لا باحبها و لا كنت عارف حاجة عن موضوع محمد صلاح، بس حتى لو أحمد السقا - من وجهة نظر البعض - كان غير موفق في التسجيل اللي عمله؛ فالهجوم اللي حصل بالشكل ده، كان غريب و غير مقبول؛ الراجل فعلا أول مرة أسمع صوته عامل كده لما دخل في مكالمة مع عمرو أديب ! ليه وصل بينا الحال إننا بقينا بالشكل ده ؟هل الكبت و المشاكل النفسية و الضغوطات بقت تخلينا نطلعه بعشوائية و نوجهه لناس ما لهمش ذنب حتى لو كنا مختلفين معاهم في الرأي ؟!
لا حول و لا قوة إلا بالله.