أنا لإني باحب عبد الحليم جدا من صغري؛ فكان فيه ناس كتير كل شوية يقولوا لي إني شبهه سواء في الشكل أو في الحركات و طريقة الكلام - كان ده قبل ما لون شعري يتغير 😆 -
و كنت مستغرب من الكلام ده و على العكس؛ كنت متضايق جدا؛ على الرغم من إنه شخص مهم في حياتي كإنسان مش كفنان فقط، لكني باحب تكون ليا شخصيتي المستقلة،
و عليه بدأت أراقب نفسي و تصرفاتي و لقيتني فعلا باقلد عبد الحليم في حاجات كتيرة بشكل لا شعوري، و ده ضايقني أكتر؛ إني كده فعلا ما عنديش شخصية مستقلة،
و عليه بدأت أغير من كل الحاجات اللي لاحظتها و كانت موجودة في عبد الحليم؛ من إيماءات أو طريقة في الكلام أو مشية و خلافه، لحد ما نجحت في ده و الحمد لله، و من رحمة ربنا كمان إن لون شعري اتغير 😅
إن الإنسان تكون له شخصيته اللي بتميزه ده هو الصحيح؛ لإنه عمره ما حيبقى حد تاني و لا حيعرف يبقى نفسه كمان.
