اللي حضراتكم شايفينه في الصورة ده ولد صيني عنده 17 سنة؛ كان مستواه في الدراسة بدأ يتراجع؛ فأمه عشان تعلمه أهمية التعليم و مدى صعوبة إنه يشتغل و يكسب فلوس من غير ما تكون معاه شهادة؛ غصبت عليه إنه يقف على عربية لبيع الوجبات الخفيفة - ما دمت فاشل و مش عايز تكمل تعليمك اتفضل بقى - 😅
المفاجأة إن الولد خلال 10 أيام بس، و من خلال شغله على العربية؛ كسب 10 آلاف يوان صيني اللي هو يعادل 1400 دولار أمريكي، اللي برضه عشان ما تحسبوهاش بيعادل حوالي 66540 جنيه مصري؛ 😲
فالولد من بعدها قرر إنه يسيب التعليم خالص و يتفرغ للشغل على العربية بتاعته، و الست والدته ما عرفتش تعلق ساعتها 🤣