شكرا لكل الناس اللي بيتمنوا لي الشفاء و بيسألوا عن صحتي؛ الحمد لله أنا مش مصاب بمرض خطير؛ أنا أُصِبت بعدوى نشطت عندي حساسية الجيوب الأنفية؛ بس كانت شديدة و استغرقت وقت طويل. 🥲
أي حد عنده حساسية جيوب أنفية أو قاري عنها؛ عارف إن أي فيروس أو ميكروب بينشطها؛ هي بتشتغل زي حاجة وقائية و دفاعية للجسم، لكني في النهاية بابقى مصاب بنفس الأعراض، الفرق الوحيد إنه مش بيبقى معدي؛ بمعنى أدق؛ أنا باتعدى من الناس بس مش باعدي حد... 😅
الجهاز التنفسي و الجهاز الهضمي عندي اتأثروا جدا و لما كشفت؛ اتقال لي إن اللي عندي فقط نتيجة الحساسية لكنه بيستغرق وقت طويل عشان أتعالج من آثاره، و أنا كنت ناوي أتكلم عن الموضوع ده في تسجيل على قناتي "أحمد يحكي" عشان أفيد الناس بمعلومات كتيرة من تجربتي و عشان يعرفوا إزاي يقوا و يحموا أنفسهم و إن شاء الله حيحصل أكيد و قريبا. 😉
ربنا يديم علينا جميعا الصحة و يشفي المريض مننا، و دعواتكم ليا أعدي منها على خير...