حاجة مهمة جدا حبيت أتكلم عنها بدون دخول في تفاصيل أو الإشارة لموضوع أو لأشخاص؛
لو أنا كشخص ما شفتش حاجة بعيني و لا حضرت واقعة معينة؛ ما ينفعش إني آخد صف حد معين لمجرد إني بانتمي لنفس الانتماء اللي هو منه، أو تاخدني الجلالة عشان ما حدش يقول عليا متعصب؛ فآخد صف الشخص الآخر.
فيه احتمال و لو بسيط إنك تكون أخطأت في حكمك لإنك ببساطة ما حضرتش و لا شفت مباشرة؛ في الدين نفسه الحد لا يقع إلا إذا كان فيه أربعة شهود شافوا الواقعة و يقسموا على كده، و لو الشخص أقسم إنه لم يرتكبها؛ فالحد لا يقع - و الله أعلم -.
الموضوع دخل في خوض في أعراض و في أخلاقيات و في اتهامات متبادلة و في تعصب و تشدد و في حاجات صراحة خلت الواحد يتعب نفسيا أكتر ما هو تعبان أساسا.
المجتمع كل فترة بيتدمر أكتر و المساوئ بتطفو و أخلاقيات الناس بتنتهي...