طالب مساعدة أهلي و أصدقائي المقربين في حاجة بسيطة أعتقد إنها مش حتاخد من وقتكم كتير و لا حتكلفكم شيء؛ و معظم الناس اللي أصدقاء ليا على حسابي الشخصي هما فعلا أهلي و أصدقائي؛ 😍😍
أنا حاليا بابدأ أعمل شغلي الخاص في إنشاء المحتوى اللي بابدأه حرفيا من الصفر؛ كنت المفترض أجمع فريق عمل، لكني لم أتوفق في ده لسبب يعلمه الله، و يمكن يكون خيرا لإني بسببه اتعلمت حاجات كتير جدا؛ جايز ما كنتش اتعلمتها لو الظروف مختلفة. ☺️😊
باطبق فيه كل اللي باتعلمه من التمثيل و الكتابة و المونتاج و تعديل الألوان و غيرها، و خوارزميات البحث و الأرشفة حاليا في يويتوب و محركات البحث بتتطلب إن يكون فيه مشاهدات و تفاعلات حقيقية عشان تبدأ تنشر المحتوى؛ عملت كل حاجة لكن نظرا للسياسات الجديدة كان لازم مشتركين القناة يشاهدوه عشان ينشر للغير و بالتالي شغلي يتعرف... 😅😅
لكن لحد دلوقت المشاهدات قليلة و محتاجة دفعة و أنا عملت كل حاجة قبل ما أضطر أطلب من الناس إنهم يشاهدوا و يتفاعلوا؛ فحاكون شاكر جدا لو اقتطعتوا من أوقاتكم و شاهدتوا اللي بانشره و تفاعلتم معاه؛ قناتي "أحمد يحكي" عارفينها و بدأت على الفيسبوك من فترة أهتم بتنميته برضه و بنشر مقاطع عليه و منشورات و غيرها؛ ده الدعم اللي محتاجه منكم حاليا و اللي فعلا حيفرق جدا و حيساعدني...🥰🥰
