السلام عليكم
كنت نشرت منشورين على إحدى الصفحات الخاصة بعبد الحليم باتكلم فيهم عن عبد الحليم و فنه؛
فيه آخر منشور اللي هو الخاص بمشهد ما قبل غنائه لجبار؛ عضو أخده بالنص و بالصورة اللي رفعتها بدون أي تغيير و دار يلف بيه على كل الصفحات و المجموعات اللي بتتكلم عن عبد الحليم، الأغرب إنه أعاد نشره على نفس الصفحة اللي نشرت عليها قبل كده و اتوافق عليه !
كنت زمان قبل تحديثات الإنترنت باسجل من الإذاعة و شرايط التسجيل و باحولها لتسجيلات رقمية؛ كان فيه البعض - اللي منهم معروفين بنشر التراث مع الأسف - بينسبوا التسجيلات لأنفسهم بدون ذكر اسمي و تقدير المجهودات اللي عملتها من تسجيل و تحويل رقمي و مونتاج و نشر تسجيلات نادرة و ده اللي خلاني توقفت لإنهم كانوا بيقدروا يوصولوا للناس أفضل مني فالتسجيلات كانت بتبقى بأسمائهم...
حتى من قريب كان فيه تسجيلات سجلتها من إذاعة الأغاني واحد من أشهر ناشري تراث عبد الحليم أخد التسجيل و نسبه لنفسه و نشره باسمه و قبل ده على نفسه.
و حاليا لقيت إن كلامي نصا - اللي ناشره على مدونتي و قناتي قبل الصفحة - حد بيعطي لنفسه الحق و بينشره بنفس الكلمات و التعبيرات بدون أي تغيير - قص و لصق يعني -؛ حتى الصورة اللي مع المنشور أنا قاصصها بنفسي من نسخة الفيلم؛ كل ده خلاني مش حاحب إني أنشر مرة تانية.
أنا حظرت العضو ده لكن الموضوع ضايقني جدا و اللي ضايقني إن الصفحة هنا نشرته باسمه تاني على الرغم من كونه موجود بالفعل عليها من مدة...