كنت بافكر من شوية في معنى تقبل الآخر و الأفكار المغايرة للطبيعة و معنى التعصب و التشدد اللي بقى مالي المجتمع اللي عايشين فيه؛ ما حدش طايق حد و لا حد عنده استعداد يتناقش أو يتقبل فكرة مغايرة لأفكاره؛
ده بسبب إني شفت فيلم مصري قصير لمجموعة من الهواة؛ بيدافع بشكل مباشر عن الفصيل المغاير للفطرة التي خلقنا الله عليها.
حسيت باشمئزاز شديد جدا؛ مش فقط بسبب المعنى اللي بيروج ليه الفيلم؛ لأ؛ لإن فيه ناس كتير ما عندهمش مشكلة مع ده خالص و شايفين إن الفصيل ده مظلوم و إنه المفترض يعيش حياته زي ما هو اختارها.
السؤال هنا؛ لما الحاجات دي بقت بتتروج ليها بشكل عادي و طبيعي و ابتدت تنتشر في مجتمعنا الإسلامي و العربي؛ إزاي نحمي أنفسنا و الجيل الجديد و نعلمهم إن الحرية ليست مطلقة أبدا بل ليها حدود و قواعد و أسس، و إن فيه شيء اسمه الفطرة، و فيه شيء و ده الأهم اسمه الحرام ؟!
و إزاي في وسط ده كله نوصل للناس فكرة تقبل الآخر و نبذ التعصب و التشدد و التخلف ؟ المجتمع بوجه عام بقى مرعب و كل شوية بينحدر للأسوأ؛ الأخلاقيات بتتدمر بجانب كافة الأشياء الأخرى !